અહેસાસ

અહેસાસ

રાહ સતત
ભાવ પ્રતિક્ષા કરે
આવાગમન
અંતર બને
સ્નેહ રસ સભર
જીવન ભર

બોલતી દિવાલો,
અસ્તિત્વની શાબ્દિક અનુભૂતિ,
અપ્રત્યક્ષ પણ પ્રત્યક્ષ,
સ્પંદનોની આવનજાવન
અમર અહેસાસ.

અચાનક ક્યાંકથી
ફરી અંતરે
સંભળાતો અહેસાસ થતો
મધુરો સાદ
અને ગમે એવા ફેરફારોમાં
પણ ટકી રહેતો
આ અમર સંબંધ

અંતરના સુરોનો રણકાર,
અને  એના થકી કદી ન પૂરો થતો સંવાદ.
સુર અને મૌનની,
તડકા અને પડછાયા જેવી સફર.
શબ્દોનું પીગળવું,
અને  સ્પંદનોનું ત્વરિત આલેખન.
શમણાનું સર્જન પણ
અસ્તિત્વનો અમર અહેસાસ.