Posted by: Jay Bhatt | રવિવાર, ડિસેમ્બર 4, 2016

Imaginative mind….સમય યંત્ર

Imaginative mind….સમય યંત્ર

સમય યંત્ર
જો ફરી જાય તો
યમુનાના તટ પર
બંસીના નાદમાં ખોવાઈ જવાય.
કૃષ્ણનું સૌન્દર્ય અને
એની અભિવ્યક્તિમાં
obsess થઇ
બધું જ ભૂલી જવાય.

જો સમય યંત્ર
22મી સદીમાં લઇ જાય
તો કદાચ માનવ વિચારો
જાતેજ વેબ સાઈટ પર પોસ્ટ થઈ જાય.
અને contact lens અને આંખોમાં
ઈન્ટરનેટ access મળી જાય.
અને પરસ્પરની આંખોમાં
વેબ સાઈટ વાંચવાનો
access મળી જાય.
સુંદર આંખોની મસ્ત
સ્પર્ધાઓ શરુ થઈ જાય.

જો સમય યંત્ર
23મી સદીમાં લઇ જાય
ઉડતી ટ્રેનો અવકાશમાં
સફર કરતી થઇ જાય
અને હજારો માઈલ
ની સફર મીનીટોમાં થઇ જાય.

અને……બીજું ઘણું……

Advertisements
Posted by: Jay Bhatt | રવિવાર, ડિસેમ્બર 4, 2016

હ્રદય એ જ પ્રેમ રેલાવતું પુસ્તક.

હ્રદય પ્રેમ સભર,

લખવાનું શું પ્રયોજન?

અંતર લાગણી સભર,

પ્રદર્શનનું શું પ્રયોજન?

હ્રદય એ જ પ્રેમ રેલાવતું પુસ્તક.

લાગણી એ જ સ્નેહ સભર શાહી.

મન એ જ અંતરે ઉદભવતી મજબુત કલમ.

જીવનભર ઓછી ન થનારી એ શાહી.

જીવનભર લખતી રહેલી એ કલમ.

જીવનભર લખાતું રહેલું એ પુસ્તક.

એ એવું પુસ્તક જે માત્ર હ્રદયમાં જ પ્રકાશિત થતું,

આડંબર વિહીન. સહજ અને નિખાલસ.

Posted by: Jay Bhatt | બુધવાર, નવેમ્બર 30, 2016

મુક્ત આનંદ

સાંજના સમયે
બાગમાં
વ્રુક્ષોના સાનિધ્યમાં
બેઠો છું.
મારું ધ્યાન વુક્ષ પર કલરવ
કરતાં પંખીઓમાં છે,
મુક્ત આનંદ ની વહેચણી
માં મગ્ન છે.
મારી પાસેથી પસાર થતી કેડી પર
પર બે મિત્રો ધીમી ગતિએ
ચાલતાં દેખાય છે.
મારે એમની વાત સાંભળવી નથી.
શબ્દો સંભળાય જાય છે.
કોઈકની ફરિયાદ થતી હોય એવો ભાવ સમજાયો.
ફરી પંખીઓનો મુક્ત આનંદ યાદ આવ્યો.
સમી સાંજનો મધુરો વાયરો.
એમાં ખોવાઈ જતો હું.
ફરી કોઈના શબ્દો સંભળાય છે.
આ વખતે કોઈ કોલેજની
વિદ્યાર્થીની વિષે બોલાતા શબ્દો
અને પછી મશ્કરી સભર હાસ્ય.
એમનો મુક્ત આનંદ.
કુદરતના સાનિધ્યમાં પણ ભૂલાતું કુદરત.
ત્યાં નાના ભુલકાઓ મસ્ત આનંદમાં
દોડતા દેખાયા. હાથ પકડીને રમતા આ ભૂલકાઓ
ની ખુશી હું આત્મસાત કરવા માંડ્યો.
લોનમાં પાટીયા પર
ચિત્ર દોરતો યુવાન આનંદમાં રમમાણ દેખાયો.
મેં ચાલ્યા જ કર્યું.
બાગમાં આવેલી લાયબ્રેરી ખુલવાનો સમય થયો.
થોડા જ સમય માટે ખુલતી આ લાયબ્રેરીમાં
સમાચારપત્રો વાચવા આવતા વૃદ્ધો પણ દેખાયા.
પોતપોતાના વાંચનમાં મસ્ત.
ત્યાં ફરી કોઈ શબ્દો સંભળાયા.
લાયબ્રેરી મદિર જેવી છે.
ઘરમાં નહિ મળતી શાંતિ અહી મળે છે.
ફરી હું મુક્ત આંનદ વિશેના
ચિંતનમાં મગ્ન બન્યો.
હું અને મુક્ત આનંદ
એકાકાર થઇ વિહરવા લાગ્યા.

Posted by: Jay Bhatt | મંગળવાર, નવેમ્બર 29, 2016

દરરોજની વાતો… કદાચ!

દરરોજની વાતો… કદાચ!

કેન્સર સંસ્થા તરફથી ડોનેશનનો ફોન
અને પાછળથી સંભળાતો રણકો.

કમીટ કરવાનું નથી.
રાત્રે ડીનરમાં જવાનું છે.
અને પછી આઈસ્ક્રીમ પાર્ટી.

એક સાંસ્કૃતિક કાર્યક્રમ
મોંઘી ટીકીટ!
બોલીવુડ કલાકારોનો કાર્યક્રમ.
બસ, આટલી ટીકીટમાં
કેટલું મસ્ત મનોરંજન.

ઘરઘાટી
બહુ હેરાન કરે છે.
પગારવધારાની રકઝક.

બીયરની મહેફિલમાં

unlimited મનોરંજન.

સ્ટેશન પર બેઠેલો
એક હોમલેસ માણસ.
નજર ત્યાંથી દુર દુર
આલીશાન બંગલાની છણાવટમાં.
મારું પણ આવું એક ઘર હોય તો.

ઉનાળાનો અસહ્ય તાપ.
ગટગટાવાઈ જતું ઠંડી લસ્સી.
પાસે ફૂટપાથ પર નજીકની
તૂટેલી પાઈપમાંથી પાણી
પાવીની કોશીશ કરતો એક ગરીબ બાળક.

મંદિરમાં આરતી પુરી થઈ છૅ. મહા પ્રસાદ લેવા માટે બધાં કતારમાં ઊભા છે.
વાતો સાંભળું છું. તમે ક્યા ભ્રામણ? કયા વાણિયા? વૈશ્નવ છો? –( ભગવાન ટગર ટગર જુવે છે).

ફલાણો તો એની સાસુને ખુબ હેરાન કરે છે.
ફલાણી તો ઘરે કઈ જ બનાવતી નથી.
પેલા ભાઇએ તો મસ્ત કાર ખરીદી. ક્યાંથી પૈસા લાવે છે?
પેલુ નવુ જુવાનિયુ કપલ તો દર રોજ બહાર જ જમે છે.
દર શનિ-રવિ બહાર ઉપડી જાય. તમે સાંભળ્યુઃ ‘સોનાનો ભાવ કેટલો વધી ગયો છે’. ભારતમાં તો મોંઘવારીએ માંઝા મુકી છે.
અમે તો વૈષ્ણવ. શિવ મંદિરમાં ન જઈએ. અમે તો બ્રામણ. મારી માસીના દીકરાને ખારવાની છોડી સાથે પ્રેમ થઇ ગયો છે. એમ કઈ લગન નહી કરવા દઈએ.

ફલાણા મેગેઝીનનો સંચાલક મારી જ caste નો છે. મારી કવિતા એમાં ચોક્કસ publish થશે. Publicity નો કોઈ problem નથી. રમેશભાઈના દીકરાએ તો નામ બદલીને apply કર્યું છે. પ્રવેશ એનો નક્કી.

ભગવાન વિચારે છે. ધ્યાન મગ્ન થઇ તપ કરવા બેસી જાય છે. મારા જ સંતાનોમાં ભેદ ભાવ છે એમ સમજાતા મુંગા આંસુ સારે છે.

મહાપ્રસાદ બનાવડાવ્યાનું અને એનો ખર્ચ કરાવ્યાના ગમમાં ઈશ્વર પોતે જ સંતાઈ જાય છે. રહે છે માત્ર એકીટશે જોતી કલાત્મક મૂર્તિઓ…કોલાહલ અને ઘોંઘાટમાં એક ભાઈનો સ્વર કોઈને કહેતા સંભળાય છે..

મારું નામ મંદિરમાં ટ્રસ્ટીઓ પાસે ક્યા લખાઉં?

Posted by: Jay Bhatt | મંગળવાર, નવેમ્બર 29, 2016

સહજ ભાવ એ જ અહા મોમેંટ.

અહા મોમેંટ…

અચાનક જ સંઘરી રાખેલા સંવેદનો ને વાચા મળે
અને સમય ફલક પર રેલાય જાય…

એ મોમેંટ.
પિંજરે પુરાયેલું પંખી ઉડે
અને મિત્ર સાથે ગગનવિહારે છલાંગ માંડે..

એ મોમેંટ.
દરિયા કિનારે ઉછળતા મોજા અને
એના સૂરમાં આંતરમન નાચવા માંડે..

એ મોમેંટ.
દુર દુર કોઈ ગામડે નાના બાળકો સાથે,
પકડા પકડી રમતા પકડાઈ જવાની

એ મોમેંટ.

જંગલમાંથી પસાર થતી કેડી પર ચાલતા ચાલતા,
સુદર પંખી અચાનક આવી ખભે બેસી જાય..

એ મોમેંટ..
લાયબ્રેરીમાંથી મોકલાયેલુ પુસ્તક
જેલમાં રહેલો કેદી વાંચે અને સંદેશો મળે
કે પુસ્તક ખુબ ગમ્યું..

એ મોમેંટ..
કેદી પોતાની સારે માર્ગે આગળ
વધવાની કેડી કંડારે અને કોઈ વાર
અચાનક જ મળી જાય અને કહે…’
મારો નવો જન્મ એળે નહિ જવા દઉ’.
એ મોમેંટ.

એ મૉમેન્ટ
કોઈ ખાસ મિત્રો સાથે
પુસ્તક વિષયક થતો
જીવંત સંવાદ.

સહજ ભાવ એ જ અહા મોમેંટ.

Posted by: Jay Bhatt | સોમવાર, નવેમ્બર 28, 2016

વંચાય છે ઉભરાતા સ્મરણોની વાર્તા….

દિવસે દિવસે
બદલાતી હસ્તરેખામાં,
વંચાય છે ઉભરાતા
સ્મરણોની વાર્તા,
બધા જ ભાવો
છલકાઈને કહે છે:
તું જ તારો જ્યોતિષી
અને તું જ તારો ભાગ્યવિધાતા
તું જ પ્રેમનો સર્જક
અને તું જ પ્રેમ ને પામનારો
તું જ તારો ગુરુ
ને તું જ તારા ગ્રહો
તું જ તારું જ્ઞાન
અને તું જ તારી શાળા
તું જ અનુકંપા
અને તું જ તેને પોષનારો ,
માટે જ
તારા સુખની શોધ
એ તારા જ હાથમાં.

Posted by: Jay Bhatt | ગુરુવાર, સપ્ટેમ્બર 4, 2014

રુટીનથી દુર

રુટીનથી દુર.

દુર જાઉં છું, રુટીનથી.
કઇક નવું જોવાની તમન્ના.
કઇક નવું માણવાની desire.
કઇક નવું શોધું છું.
વર્ષોથી શોધું છું. ખુબ શોધ્યું
પણ એક ખાલીપણાનો અહેસાસ.
સહજતાનો સહારો લઇ
અને અન્તદૃષ્ટિને આત્મસાત કરી.
પૃથ્વીની આ આંતર સફર
માઈલોના માઈલો પળભરમાં કાપતી
એક દિવસ ક્યાંકથી
અચાનક પ્રાપ્ત થતી
સહજ પ્રેમાળ અનુભૂતિ. રુટીનથી દુર.
આત્મિક આધાર અને અલૌકિક મૈત્રી.
art, books, architecture, music, literature
અને inner reflections.
જીવનનાં વિવિધ પાસાઓનું અનુપમ રસપાન.
સ્નેહસભર લ્હાણી.
રુટીનથી દુર.

Posted by: Jay Bhatt | ગુરુવાર, સપ્ટેમ્બર 4, 2014

જીજીવિષા

મારો અહં અને જીદ
અને એમાં ખોવાઈ જતો
આપણી વાતચીતનો અનુરાગ.
ઉત્કટ તલસાટ.
મારો અચકાટ અને મારો સંકોચ.
અને એમાં ગુંગળાતા આપણે.
આપણું પરિચિતમાંથી અપરિચિતમાં થતું પરિવર્તન.
જીજીવિષા,
અને કઇક નવીનતાની નિત્ય તલાશ.
ત્યારે
કોફી બને આપણુ ice breaker.
એક પછી એક સીપ.
પણ બે સીપ વચ્ચેનો
exponentially લંબાતો ગાળો.
ફરી જામતી વાતોની મહેફિલ.
તદ્દન down to earth.
પણ શું ફરી ને ફરી અજનબી બનવું
જરૂરી છે ખરું?
simple in style પણ નવી નવી
વાતચીત એ તો બની રહેતો norm.

Posted by: Jay Bhatt | શનિવાર, મે 3, 2014

કાતરિયુ

કાતરિયુ
મહિને બે મહીને
એકાદ વખત એ બનતું મારું
સ્મરણોનું માન સરોવર.
બાળપણથી માંડીને
અત્યાર સુધીના
અનુભવોની repository
હું ત્યાં સંતાઈ જાઉં,
દુનિયાથી રાજનીતિથી
દુર દુર
બેગોનું collection. વર્ષોથી ભેગા કરેલા
સમાચાર પત્રોની કાપલીઓ
કે પછી નાગરદાસ પટેલની
બાલ વિનોદ ગ્રંથમાળાનાં પુસ્તકો.
એક  પુસ્તકમાંથી મળી આવતી નાનકડી કાપલી।
આઠમા ધોરણમાં
સાથે ભણતી વિદ્યાર્થીનીએ મોકલેલી
thank you note.
ગણિતના દાખલામાં મેં એને
થોડી મદદ કરી હતી. શરમાતા શરમાતા
મારી  નોટબુક સરકાવીને એને આપી હતી.
અને એ જ રીતે એણે મને પાછી આપી હતી.
verbally બોલી શકાતું નહિ, એટલે
નાનકડી ચબરખીમાં ‘thank you’
લખીને આપી હતી એ નોટ.
એ એકમાત્ર વાતચીત હતી.
દસમાં ધોરણની માર્કશીટ.
કોલેજના application formની કોપીઓ.
સ્મરણોનો સંગ્રહ।.
બસ। એ કાતરિયામાં જ.
મારું આશ્રય સ્થાન.
થોડી પળો માટે reality થી દુર.
મારું કાતરિયું.

« Newer Posts - Older Posts »

શ્રેણીઓ