Posted by: Jay Bhatt | સોમવાર, એપ્રિલ 7, 2008

છ ગમતાં મુક્તકો

મુસાફિર પાલનપુરી

કવિ છું ભોગવું છું આગવી રીતે હું જીવનને
મધુરપ જ્યાં ચહું ત્યાં એક્ધારી મેળવી લઉં છું
મળે છે એક પળ જો કોઈની મોહક નજર મુજથી
તો હું એમાંથી વર્ષોની ખુમારી મેળવી લઉં છું

નવલ દવે

જોઈ લ્યો કેવો ગજબ જંગ થઈ ગયો
હું જ મારી જાતથી દંગ થઈ ગયો
લઈ અરીસો હાથમાં ને જરા જુઓ
હું તમારા રૂપનો રંગ થઈ ગયો

રમેશ પટેલ

હસ્તરેખા સ્પષ્ટ બનતી જાય છે
આ ક્ષણો પણ સ્તબ્ધ બનતી જાય છે
હું શ્વસું છું શબ્દને આ ખંડમાં
ને હવા નિ:શબ્દ બનતી જાય છે

પ્રવીણ સોલંકી

હું તારા પ્રેમને કોઈ ગજથી માપી ન શક્યો
તેં મને દુ:ખ દીધાં તોયે સંતાપી ના શક્યો
હે ખુદા! આપણે મગરૂર એટલાં હતા કે
હું કંઈ માંગી ન શક્યો, તું કંઈ આપી ન શક્યો

ભગવતીકુમાર શર્મા

રેત છું પણ શીશીમાં ખરતો નથી
શૂન્યતાને ‘હું’ વડે ભરતો નથી
મારા પડછાયા કરે છે ઘાવ પણ
હું સમય છું એટલે મરતો નથી

ગની દહીંવાલા

ચાહું છું કોઈમાં વિશ્વાસ મુકી દઉં આજે
જિંદગી કોઈનો એ રીતે સહારો લઈ લે
જે રીતે આવીને ઠલવાય હજારો મોજાં
જેમ સાગરનો બધો ભાર કિનારો લઈ લે

Advertisements

Responses

  1. હસ્તરેખા સ્પષ્ટ બનતી જાય છે
    આ ક્ષણો પણ સ્તબ્ધ બનતી જાય છે
    હું શ્વસું છું શબ્દને આ ખંડમાં
    ને હવા નિ:શબ્દ બનતી જાય છે

    vaah, bahu saras muktak!

  2. દોષ દઈ નથી મુજ કમભાગ્યને
    કે હાથમાં ભગ્યરેખા લઈ ફરુ છું
    http://jayeshupadhyaya.wordpress.com


પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

શ્રેણીઓ

%d bloggers like this: