સીમા
નહીં સીમાની દરકાર મને
નહીં સીમાની દરકાર
સીમાડો દુનિયાનો શેઢો, જગત મને તલભાર,
વિશ્વ બધું ભૂમિ રમવાની હદની શી તકરાર!
પ્રેમ જલાશય અખૂટ પ્રભૂનું ત્યાં કરનાર વિહાર,
કેમ પડે હોજોમાં ન્હાવા દરિયાનો તરનાર!
જગનાં બાળક સાથ રમું છું જેનો પ્યાર અપાર,
એ ભોળાંને છોડી શાને બાંધુ હું ઘરબાર!
….
સીમા બંધન, સીમા રૂંધન, સીમા રોકણહાર
અમે વિહંગમ ત્રિભૂવન કેરાં ઊડનારાં હદપાર!
–પ્રભાશંકર પટ્ટણી
હરિન્દ્ર દવે, ‘માનસરોવર ના હંસ’ પૃ. ૧૭
Posted in વીણેલાં મોતી
